Pak ditë më parë, kandidati për kryetar të PD-së, Eduard Selami u përfshi në një incident në selinë e partisë, menjëherë pasi kishte shpallur kandidaturën përballë Lulzim Bashës.
Shoferi i deputetes Mimoza Hajdarmataj, Alfred Dollapi i është drejtuar me një gjuhë të ashpër Selamit, pak minuta pas konferencës për shtyp duke e kërcënuar atë.
“Çfarë pune ke ti këtu, ça do këtu? Nuk të lë as të hysh në selinë e PD, pasi nuk ke çfarë kërkon këtu?”, i është drejtuar shoferi i deputetes kandidatit për kryetar partie Eduard Selami.
Selami ka ruajtur qetësinë nga e gjithë kjo situatë, dhe debati duket të ketë mbaruar aty.
Ai ka folur për mediat dhe ka treguar gjithçka sa ndodhi.
“Pati një incident të pakëndshëm sot në Seline e Partisë Demokratike që unë më vonë e mësova se kush ishte. Megjjthatë unë do shoh përpara dhe e rëndësishme është gara në PD”, tha asokohe Selami.
Sot, kandidati për kryetar është rikthyer qetësisht dhe ka pirë një kafe me një mikun e tij në lokalin pranë PD-së. Fatmirësisht, asnjë incident nuk ndodhi kësaj rradhe.
GSH.al
